1- ابشري يا حليمة بجنة نعيمة.
2- ابليس ما يكسر إلا مواعينه.
3- أبو الفن ما يخلي فنه ولو قصوا يمينه منه.
4- بلادك اللي تعيشك مب اللي تعيش فيها.
5- ابن الحلال عند طاريه.
6- ابو نفخ إن شالوه امتلخ وإن حطوه انتفخ.
7- أبوك الصايغ وطوقج ذهب.
8- اتعب ابدانك ولا تتعب لسانك.
9- اتغدى واتمدى واتعشى واتمشى.
10- احبج يا خالتي فيج ريحت أمي.
11- احسب جودي من ورث جدودي، أثرى جودي من ماجودي.
12- احضر على مالك ولا سبعة من عمالك.
13- احفظ الحتحات لين ايقولك الزمان هات.
14- احفظ مالك ولا تتهم جارك.
15- آخر زمن الحبارى تصير شاهين.
16- إذا له كرش ياخذ عشرة.
17- أدور عليك في السما ألقاك في الأرض.
18- إذا بغيت تغث جارك طق كلبه.
19- إذا بغيت تقهر عدوك اسكت عنه.
20- إذا بغيت صاحبك دوم حاسبه كل يوم.
21- إذا بغيت علة بمثمن اكل سمك واشرب لبن.
22- إذا ريت الرياييل تلعب بلحاها إلعب بلحيتك شراها.
23- إذا شاخ ابن عمك شل نعاله.
24- إذا صار خصمك القاضي من تقاضي.
25- إذا ما قطع بحده قطع بثقله.
26- إذا ضربت اوجع وإذا اطعمت اشبع.
27- اذوني تسمع شر ولساني يلمو شر.
28- اربط صبعك وكل ٍ بيتعت لك دواء.
29- اش حادك يا مسمار؟ قال المطرقة.
30- اشتر بالفضة وغلف بالذهب.
31- اشتر يوم ما تبغى تشتري وبيع يوم ما تبغى تبيع.
32- اشلونك مع ام العيال قال غربال.
33- اصابعك ما هي سوا.
34- اضبط من ساعة الملا.
35- اطعم الفم تخجل العين.
36- اطبخ عدس انفخ تحته.
37- اقلع ضرسة و لا تاخذ قرشة.
38- كسير وعوير اللي ما فيه خير.
39- أكل البخيل لا يشمه جار ولا ياكله فار.
40- أكل كره، واشرب كره، ولا تعاشر كره.
41- الأعمش بين العميان مفتح.
42- الأول إذا جيت قالوا حي من جانا والحين لا جيت قالوا ايش ها البلا جانا.
43- البخيل حلاب النملة.
44- التعبان ولو على كسر حجرة ينام.
45- الجنه من غير ناس ما تنداس.
46- الحر لوح له والعبد قرح له.
47- حرمه ربت ثور ما زرع.
48- الحيله حيلة الريال، والمكر مكر النساء.
49- الرايب للحبايب، والزبدة للنسايب، والميص للمتاعيس.
50- من استوت ما صلت ويوم صلت سجدت على عقرب.
انشالله تعجبكم بس ( لحد يقول اني شيبه ) :D
الأربعاء يوليو 16, 2008 12:32 pm
